7/05/2007

الـــتـــعـــلـــب

التعلب فات فات
و ف ديله
سبع لفات
والدبه وقعت ف البير
و صاحبها
تعلب خنزير
--------
بيلف
و يعمل له بلوج
و يعلق
عند ابن ال
dog
و التعلب
مشواره بعيد
يركب له
مينى باص جديد
و القطر
بقضبانه حديد
بيعَــلــّــم سِــكـــِّــته
ببلوج
---------
التعلب
مش فاهم حاجه
و كلامه وقاحه و فجاجه
و الديك بيدوّر ف دجاجه
على قصة حب
على بلوج
---------
التعلب بيلف يدور
و اللى حيـيـجـى عليه الدور
مش لابس على راسه
طرطور
و اللعبه
كشف المستور
-------
التعلب فات فات
و ف ديله
سبع لفات
والدبه وقعت ف البير
و صاحبها
تعلب خنزير
--------------------------

الـبـعـــيـــده حــمــاره







الأرواح اللى بتسكن البلوجات ممكن تكون أرواح طيبه و بنت حلال و تستاهل كل خير



و ممكن تكون أرواح شريره و بنت ستين ف سبعين و تنكد عليك عيشتك لو حطت مدونتك ف دماغها



بس فيه نوع تالت من الأرواح .. الأرواح الهبله أو بالمعنى المؤدب الأرواح البصمجيه اللى تدخل البلوج من دول تلاقيه زحمه شويه و بيدخل له زباين كتير.. تقرالها أول سطرين من البوست وللا حتى تقرا البوست كله , مهى بردو مش حتفهم حاجه "بصمجيه بأه" .. و بالبجاحه و القداره و الجبروت و قلة الزوق تدخل تعلق و يا ريتها بتكتب حاجه عدله ولا عليها القيمه ..



طبعا بيكون التعليق بترقيق الصوت البناتى الأهطل المزعج المستفز



"ايه الكلام الحلو ده !!!



أنا مش لاقيه كلام اقوله !!!



مكنتش أعرف ان فيه ف الدنيا حد كده !!



انت اسطوره !!



و ايه كم الإيمان ده !!!



أنا حبيت الدين منك !!!



ملحوظه : البوست فيه كـــفـــر بيـــــــن



بس البعيده



حـــــــمــــــــــاره